స్టార్ హీరోయిన్ అనుష్క శెట్టి నాగార్జున సూపర్ సినిమాతో ఇండస్ట్రీకి ఎంట్రీ ఇచ్చింది. ఆ తర్వాత ఎన్నో చిత్రాల్లో నటించి స్టార్ హీరోయిన్‌గా మారిపోయింది. అంతేకాకుండా లేడీ ఓరియెంటెడ్ సినిమాలు చేసి విజయాలు తన ఖాతాలో వేసుకుంది. ముఖ్యంగా ప్రభాస్ బాహుబలితో ఈ అమ్మడు పాన్ ఇండియా రేంజ్‌లో క్రేజ్ తెచ్చుకుంది. ఆ తర్వాత అనుష్క కొద్ది కాలం పాటు సినిమాలకు దూరమైంది. ఇటీవల ఈ అమ్మడు ‘మిస్ శెట్టి మిస్టర్ పొలిశెట్టి’ చిత్రంతో సెకండ్ ఇన్నింగ్స్ స్టార్ట్ చేసింది.ఇదిలా ఉంటే.. అనుష్క పెళ్లికి సంబంధించిన వార్తలు నిత్యం సోషల్ మీడియాలో చక్కర్లు కొడుతుంటాయి. తాజాగా, అనుష్క ఓ 42 ఏళ్ల కన్నడ నిర్మాతను పెళ్లి చేసుకోబోతుందంటూ పుకార్లు షికార్లు చేస్తున్నాయి. ఈ వార్తలో నిజమెంత అనేది తెలియనప్పటికీ సోషల్ మీడియాను షేక్ చేస్తోంది. దీంతో ఈ విషయం తెలిసిన వారంతా నిజంగానే ఆమె పెళ్లి చేసుకోబోతోందా? అని షాక్ అవుతున్నారు. కానీ ఫ్యాన్స్ మాత్రం వాటిని కొట్టిపారేస్తున్నారు. మరికొందరు మాత్రం ప్రభాస్‌ను వదిలేసి నిర్మాతను ఎలా వివాహం చేసుకుంటుందని చర్చించుకుంటున్నారు.